අවුරුදු 4 එක 8න් දෙනවා!!!! එන්න අරගන්න!!! ලංකාවේ විතරයි....

විජාතික බලවේග

සතුරු කුමන්ත්‍රණ

ඩයස්පෝරාවේ ඇඟිලි ගැසීම්

සියල්ල පරදවමින්

ඉදිරියටම ඇදෙන

ආශ්චර්යමත් සිරි ලාංකීය

දේසපාලුවන්ගේ

විශිෂ්ට , උත්කෘෂ්ට

උසස් අධ්‍යාපනික

ඉදිරි දැක්මේ

බල මහිමය

++++++++

ජීවිතේ සතුටින් ඉන්න අතපය ඕනිද?

"අපිට බෑ" ,
"අපිට අර පහසුකම නෑ",
"මේ පහසුකම නෑ",
"ඒව නැතුව මේව කරන්න බෑ",
"මට ජීවිතේ එපා වෙලා",
"මට මුකුත් නෑ",
"මට මුකුත් බෑ"

මේ වගේ කතා අපේ ජීවිතේදි කොච්චරක්නං කියලා ඇද්ද?

අනිත් අය කියනවා ඇහිලා ඇද්ද?

1) "ජීවිතේ කියන්නේ මොකක්ද?"  2) "සතුට කියන්නේ මොකක්ද?"

     ඔන්න ඔය ප්‍රශ්න දෙකට හරිහැටි උත්තර හොයාගන්න බැරිවුණු අපි තමයි ඔය පෙරකීවා වගේ වදන්
දොඩවන්නේ.මේ ලිපිය ලියන මම වුණත් ඔය ගොඩේ තමයි.මොකද අපි හුඟදෙනෙක් තාමත් ජීවිතේ දිහා බලන්නේ , අපිට පුරුදු කරල තියෙන විදියට මිසක් ජීවිතේ දිහා බලන්න ඕනි විදියට නෙවෙයිනේ.

හැබැයි මට අද හම්බුණා මම ගොඩාක් කාලයක් හොය හොයා හිටපු වීඩියෝ කිහිපයක්.පහලින් තියෙන වීඩියෝ කිහිපය බලලා මොහොතක් හිතන්න අපි අපේ ජීවිතේ අපිට ලැබිලා තියෙන දේවල් ගැන මැසිවිලි නඟන එක සාධාරණද කියලා.

-----------------------------------------------------------------

 ----------------------------------------------------

මොකද හිතුණේ?පුදුමයිද?

දැන් මොකද හිතන්නේ ජීවිතේ ගැන?අපිට කළ නොහැකි දෙයක් තියේවිද?

 හිතන්න අපි කොච්චර පොඩි ප්‍රශ්න නිසාද ජීවිතේ ගැන දුක් වෙන්නේ කියලා.ඒ අතරම හිතන්න අපි කොච්චර වාසනාවන්ත මිනිස්සුද කියලා?

 අපි අද ඉඳන් ජීවත් වෙන්න ඉගෙනගමු.ජීවිතේ ගැන අසුභවාදී නොවී , ජීවිතේ සැබෑ සතුට සොයාගෙන යමු!ඒ වීඩියෝ පෙළේදි , ඒ අපූරු මිනිසා කියන ආකාරයට ,

"ඔබේ දෙවියන් ජීවත් වන්නේ ඔබ තුළමය!ඔබේ ජීවිතය ජයගැනීම ඔබට පමණක්ම කළහැක."

අපි ජීවිතේ සැබෑ සතුට අත්විඳිමු. ජීවිතේ, සතුටින් ජීවත් වෙමු!

------------------------------------------------------------------------------------------------------------

ප.ලි. : මෙම වීඩියෝව කිසිදු ආගමික අරමුණකින් තොරව ඔබේ ජීවිතයට යහපත් අරමුණක් සහ ස්වයං අභිප්‍රේරණයක් ඇතිකිරීම සඳහාම පමණක් යොදාගත්බව කරුණාවෙන් සලකන්න.

අපි නිර්මාණශීලී වෙමු

      ජංජාල චාමරට මේ දවස්වල හෝ ගාල විද්‍යුත් තැපැල් පණිවුඩ එනවා යාළුවන්ගෙන්.ඔය අතරේ මට ඊයෙත් හම්බුණා සිරා පින්තූර වගයක්.මේක හුඟක් අය දැකලා ඇති, ඒත් මට හිතුනා මේ පින්තූර ටික බ්ලොග් එකට දාන්න ඕනි කියලා.ඒ නිසා මම තව ටිකක් ජංජාලේ සැරිසරලා තව පින්තූර ටිකක් හොයාගත්තා මීට අදාල.හේතු 2ක් තියෙනවා;

හේතු මෙන්න මේවායි :

    1)  අපි හුඟක් දෙනෙක් පුරුදුවෙලා ඉන්නේ තමන්ට නැති දේවල් ගැන හිතහිතා හිතෙන් දුක්විඳින්න.එහෙමත් නැත්තං ඒ දේවල් තියෙන අනිත් ම්නිස්සු දිහා බලාගෙන හූල්ලන්න.ඒත් මේ පින්තූර ටික බැලුවාම හිතෙයි අපිට අවශ්‍යකරන ගොඩාක් දේවල් අපේ හිත සහ හැකියාව මෙහෙයවලා , ඉතාම කුඩා සම්පත් ප්‍රමාණයක් භාවිතා කරලා හදාගන්න පුලුවනි නේද කියලා.

    2) අනිත් කාරණේ තමයි අපි ප්‍රශ්නයක් දිහා බලන විදිය වෙනස් කලොත් , ඒ ප්‍රශ්නේ විසඳගන කොච්චර සරල සහ ප්‍රායොගික මාර්ග තියෙනවද කියල පෙන්වලා දෙන්න.
-----------------------------------------------------------------------------------------------------------

----------------------------------------------------------------------------------------------------------------

 
     මේ වගේ දේවල් දැකලා අපිට හිනා ගියත් , මේ වගේ පොඩි පොඩි දේවල් හදන , අලුතින් හිතන මිනිස්සුන්ට තමයි කවදාහරි මේ ලෝකෙ වෙනස් කරන්න පුලුවන් වෙන්නේ.

   ප්‍රශ්නයක් වෙලාවට ටක් ගාල ප්‍රායෝගිකව විසඳුමක් දෙන්න වගේම කවදාහරි මුළු ලෝකෙම පුදුම කරවන නිර්මාණ ඉදිරිපත් කරන්නත් පුලුවන් වෙන්නේ මේ වගේ නිර්මාණකරුවන්ටම තමයි.

 

    හැබැයි නිර්මාණ කරනවා කියලා මේ වගේ එකේ අන්තයටම යන්නත් එපා.එතකොට ඒක මෝඩකමක් මිසක් හැකියාවක් නෙවෙයි. :p

    ඉතින් අපි මේ පින්තූර ටික දිහා බලලා අද ඉඳන් අපිත් උත්සාහ කරමු , අපිම අපට අවශ්‍ය දේවලින් ඉතා කුඩා දෙයක් හරි නිර්මාණය කරගන්න.සමහරවිට ඉවතලන දේවල් පවා යොදාගන්න පුලුවන් වේවී.

    සාර්ථක නිර්මාණයක් කරගන්න සමහරවිට හැකිවේවී , විටෙක නොහැකි වේවී , ඒත් උත්සාහ කිරීම වටිනවා නේද?

----------------------------------------------------------------------------------------------------------------
ප.ලි. :

මේ සියළුම පින්තූර පාහේ මට ලැබුණේ වෙබ් අඩවියකින් බෙදාහැරපු විද්‍යුත් තැපැල් පනිවිඩයකින්.තව ගොඩාක් පින්තූර තියෙනවා එතන , කැමති අය ගිහිල්ලා රස විඳින්න.මෙන්න සබැඳුම >>>>>