Thursday, July 12, 2012

ජයපැන් බොන්න , ඔබත් එක්වන්න....


ජයපැන් බොන්න , ඔබත් එක්වන්න....



මෝරු හයේ ගහනා වැහි විඳ ගන්න
කොලඹ විකට් ගැලවෙන හඬ අහගන්න 
අවසන් මහා තරඟෙට පේරා යන්න
සෙට් වෙමු නේද කට්ටිය ෆන් එක ගන්න

තාමත් කොළඹ කැම්පස් එක දෙවෙනි තැන
ඉන්නේ මෝරු ජය අරගෙන පළමු තැන
ජය ගත් පසුව ඉරිදා දින පේරාවල
ඉන්නට වෙන්නේ උංහට සැඟවී ගෙවල

Inter Uni කිරුල මෝරට පලඳන්න
වසරක මහන්සියෙ මුදු මල් පලගන්න
දොලොස් වසක් ගිලිහුනු කිරුලක් ගන්න
MORA සැවොම ඉරිදට පේරට එන්න

**පේරා - පේරාදෙණිය විශ්ව විද්‍යාලය


නිමිත්ත : මේ මස 15 වැනි ඉරිදා දින ,මොරටු විශ්ව විද්‍යාලය සහ කොළඹ විශ්ව විද්‍යාලය අතර , පේරාදෙණිය විශ්ව විද්‍යාලයේදී පැවැත්වෙන අන්තර් විශ්ව විද්‍යාලයීය ක්‍රිකට් තරඟාවලියේ , අවසන් මහා ක්‍රිකට් ගැටුම.


ප.ලි : මේ වනවිට මොරටු විශ්ව විද්‍යාලය , අන්තර් විශ්ව විද්‍යාලයීය ක්‍රීඩා තරඟාවලියේ සමස්ත ලකුණු සටහනේ පෙරමුණ ගෙන තිබෙන අතර , කොළඹ විශ්ව විද්‍යාලය දෙවන ස්ථානයේ පසු වේ.මෙම ක්‍රිකට් තරඟය ජයග්‍රහණය කළහොත් , මෙවර අන්තර් විශ්ව විද්‍යාලයීය ක්‍රීඩා තරඟාවලියේ  සමස්ත ලකුණු සටහනේ , තව දුරටත් පෙරමුණ ගැනීමට මොරටු විශ්ව විද්‍යාලයට හැකිවනු ඇත.

Sunday, June 24, 2012

අවුරුදු 4 එක 8න් දෙනවා!!!! එන්න අරගන්න!!! ලංකාවේ විතරයි....








විජාතික බලවේග


සතුරු කුමන්ත්‍රණ

ඩයස්පෝරාවේ ඇඟිලි ගැසීම්


සියල්ල පරදවමින්


ඉදිරියටම ඇදෙන


ආශ්චර්යමත් සිරි ලාංකීය


දේසපාලුවන්ගේ


විශිෂ්ට , උත්කෘෂ්ට


උසස් අධ්‍යාපනික


ඉදිරි දැක්මේ


බල මහිමය


++++++++











Thursday, June 14, 2012

පටන් ගන්නේ නැද්ද ඕයි!!!



විභාග ගොඩදාගෙන ,
රෑ දවල් පොත් බදාගෙන,
නින්දක්,කෑමක් හරියට නැතුව,
විශ්ව විද්‍යාලෙට ගාටපු,
අතේ සතේ නැති,
අහිංසකයෝ ටික,
ඇස්.බී. ගේ පුරාජේරු අහ අහා,
academic , non-academic,
strike එක්ක පොරකකා,
තාමත් හොස්ටල් කැන්ටින් එකෙන්,
රුපියල් 5 ට අඩු කකා,
කර කියාගන්න දෙයක් නැතුව,
බලං ඉන්නවා,
කැම්පස් ආපහු පටන් ගන්නකල්,
උන්ගේ ජීවිත ජයගන්න,
ඩිග්‍රිය ඉවරකරලා,
ජොබ් කට්ටක් හොයාගන්න.... 


ප.ලි. : 


Tuesday, January 17, 2012

දැකලා තියෙනවද? බලන්න හොඳට....


අද ලිපිය වෙන්වෙන්නේ යාළුවෙකුගෙන් මට ලැබුණු විද්‍යුත් තැපැල් ( e-mail ) පණිවිඩයක තිබුණු අලංකාර,ඒ වගේම දුර්ලබ දසුන් කීපයක් වෙනුවෙන්.බලන්න,මේවා කලින් දැකලා තියෙනවද කියලා.....


ලෝකයේ උසම දම්වැල් මෙරිගෝ රවුම උස මීටර් 117කි.පිහටියේ වියානා නුවරයි.






නවසීලන්තයේ පාක් ලේක්හි මළ ගිනි කන්ද






සැන්සිබාරයේ මුහුද මැද අවහන් හලකි. වඩදිය අනුව පයින් හෝ බෝට්ටුවෙන් එහි යා හැකිය.





මැඩ්රිඞ් නුවර කාර්යාලයයකි.





මේ කාන්තාරයකි. දම් පැහැයෙන් පෙනෙනුයේ ගෝනුසු මල් යායකි. මේ මල් පිපෙනුයේ වසර කිහිපයකට පසුවය.





මධ්‍යම තුර්කියේ කැපඩෝසියා ගුවනේ බැලූම්.




අහස සිප ගන්නා මීටර් 828ක් උසැති ඩුබායි ගොඩනැගිලි. ඉන් එකක තට්ටු 163 කි.





එම ගොඩනැගිලිවල සිට පාර පෙනෙනුයේ මේ ආකාරය.ටය





පෝලන්තයේ ග‍්‍රයිපිනෝ වනාන්තරයේ මේ ගස අලි හොඬවැල් මෙන් දක්නට ඇති හේතුව නොදනී.




බෙල්ජියම හා නෙදර්ලන්ත දේශසීමාවේ අවන් හලකි. එන්.එල්. යනුවෙන් ලියවී ඇත්තේ නෙදර්ලන්ත පැත්තයි. බී. යනුවෙන් සඳහන් වනුයේ බෙල්ජියමයි.





මෙක්සිකෝ බොක්කේ වාසය කරන මඩුවෝ දස දහසක් පමණ වසරකට දෙවරක් යුකෑටන් සිට ප්ලොරිඩාවට සංක‍්‍රමණය වෙති. සීත ඍතුව ලබන විට පිටවී යන මඩුවෝ ගස්වල කොළ හැළෙන කාලයට යළි පැරණි නිජ බිමට එති.





උතුරු ඩෙන්මාකයේ ස්කේජන්හිදී බෝල්ටික් සාගරය හා උතුරු මුහුද එක්වෙයි. මුහුදු දෙකේ ජලයේ ඝනත්වය වෙනස නිසා ජලය හාමු නොවේ. 



චීනයේ ෂැංඩොං පළාතේ ජීආ ඕෂු බොක්ක හරහා ඇති පාලමේ දිග කිලෝමීටර් 36 කි. වාහන ගමනාගමනය සඳහා තීරු 8 ක් ඇති මෙම පාලම මුහුදක් මැදින් දිවෙන ලොව දිගම පාලමයි.




ලිතුවේනියාවේ එක් පැත්තකට රැය එළැඹෙන විට අනෙක් පැත්තට හිරු පායයි




කැලිපෝනියාවේ සොකොයියා ජාතික උද්‍යානයේ උමං මඟකි





බ්රූනෝ කැටලානෝ මුර්ති ශිල්පියාගේ මේ මූර්තිය ප‍්‍රංශයෙනි.





පවුලේ ඡායාරූපයකි






ලොව දීර්ඝතම වාහන තදබදය. චීනයෙනි. දිග කිලෝමීටර් 262කි.




පැරිසියේ පරිගණක කඩයකි. මෙහි බිම සැබවින්ම වළගොඩලි රහිතය.





ඇමෙරිකාවේ ඔරිගන්හි කේප් පර්පෙචුආ පෙදෙසේ මේ කළුවර ආවාටය වඩදියේ රිදී වන් ජල කඳෙන් මෙසේ බැබලෙයි.




මාකස් ලෙවින් සිය මූර්ති නිර්මාණය කරනුයේ සුදු ඇණ ගැසීමෙනි. ලන්ඩනයේ ප‍්‍රදර්ශනය කළ මෙම මූර්තියට ඔහු යකඩ ඇණ 50,0000ක් යොදා ගත්තේය.




ඇමෙරිකාවේ බපෝඞ් නුවර ජීවත්වනුයේ එක් මිනිසකු පමණි. ඔහු එහි නගරාධිපතිද නගරය පිරිසිදු කරන්නා ද වෙයි.




සරත් සමයයි.





ජර්මනියේ බ‍්‍රන්ස්වික්හි රිසි හවුස් පස් මහල් මන්දිරයයි. හදවත්, ඇස්, තරු හා, කුරුල්ලන්ගෙන් නිර්මිතය.





රුසියාවේ ලෙනා ගඟයි. මහා ගඟ යනු තේරුමයි. දිග කිලෝමීටර් 4300කි. නැගෙනහිර සයිබීරියාවේ බයිකල් විල අසලින් පටන් ගනී. කේම්බි‍්‍රයන් යුගයේ පාෂාණ ශේෂ දැකිය හැකිය. රුසියාවේ දිගම ගඟයි.




දකුණු කොරියාවේ සෝල් අගනුවර බන්ජෝ පාලමයි.




බ‍්‍රසීලයේ ඇති නැති පරතරය අතර




ඉන්දියා සාගරයේ ලාමු දූපත





චිකාගෝ නුවර 103 වැනි මහලක ආලින්දය.





හිරු බැස යන. හැටි රළ සුළියක් මැදින්.





මෙවැනි භූ විද්‍යා දර්ශන චීනයේ ගන්සූ පළාතයේ ෂැංග්යේ ප‍්‍රදේශයේ දී දැක ගත හැකියි. රතු හුණුගල් හා වෙනත් පාෂාණ වසර කෝටි ගණනක් තිස්සේ මුසු වීමෙන් මේ අරුම පුදුම ලක්‍ෂණ පහළ වී තිබේ.





අමෙරිකාවේ මොන්ටානාහි ජලය බෙහෙවින්ම විනිවිඳ පෙනේ. මේ විලේ ජලය නොගැඹුරුයැයි මේ අනුව පෙනෙතත් එය ඉතා ගැඹුරුය.




මාල දිවයිනේ ගුවන් තොට පිහිටියේ ඉන්දියා සාගරයේ කෘත‍්‍රිම දුපතකය.



ප‍්‍රංශයේ මෙයාර්හි ප‍්‍රදීපාගාරයයි.




ඇමෙරිකාවේ මොන්ටානා නුවර සුළි සුළඟකි. 2010





ඩුබායි අහස සිප ගන්නා අඩසඳ කුළුන





ඕස්ටේ‍්‍රලියාවේ සිඞ්නි නුවර මීදුම් සේලය.





ජර්මනියේ මැග්ඩෙබර්ග් පැන්නුම් ගඟ. (ගඟක් උඩ ගඟක්)





උතුරු ඕස්ටේ‍්‍රලියාවේ කාර්පෙන්ටේරියා බොක්කේ අරුණෝදයේ වළාකැටි.





ජිබ්රෝල්ටා ගුවන්තොට ලොව අමුතුම ගුවන් තොටකි.




මේවා කොතරම් නිවැරදිද කියලා කියන්නන් මම දන්නේ නෑ...ඒත් පින්තූරවල අමුතු සුන්දරත්වයක් දැනුණු හින්දමයි ලිපියකට ඇතුලත් කරන්න හිතුවේ.( ඔන්න මාව එහෙම අල්ලගන්නෙපා මේවා බොරුනං! හොඳේ? :) )


Saturday, January 7, 2012

දෙකේ ලකුණු පළමුව වෙනමම හෙවුවා............... අරගෙන දෙකම ඉන්පසු කෙරුවෙමු "මෙව්වා".......

මේ පාර උසස්පෙළ විභාගේ ප්‍රතිඵල ගැන ගොඩ දෙනෙක් එක එක ආකාරයේ විචාර ලබාදුන්නා.සමහර විචාර ප්‍රසිද්ධියේ පල කරන්න බැරි තරං තරහ උතුරන ආකාරයේ ප්‍රකාශන වුනා.දැනට මම ජංජාලේ දැකපු ලස්සනම විචාරය මෙන්න මේ දැන් මම උපුටගත්තා මොරටුව ඉංජිනේරු පීඨ ශිෂ්‍ය සංගමයේ නිල බ්ලොග් අඩවියෙන්.


==============================================


දෙකේ ලකුණු පළමුව වෙනමම හෙවුවා............... අරගෙන දෙකම ඉන්පසු කෙරුවෙමු "මෙව්වා"........








සදෙව් ලොවට අධ්පති සක් දෙවිදු                    මෙමා
මගෙ පොඩි පුතා ලිවුවෙත් මේ පාර                   තමා
දැනගනු පිණිස පුතු ප්‍රතිඵල නොවී                     පමා
ඉක්මන් කරන ලෙස දැනුවත් කළෙමි            "කොමා"

ප්‍රතිඵල නිකුත් වී මොහොතක් ගෙවෙන               විට
මට වැටහුණා හො හැටි ඉක්මනෙහි               කොට
සදෙව් ලොවම කැළඹී ප්‍රතිඵලය                         පිට
එන්නට හදනවා ඇතුළට කඩන්                        වැට

දේවිය යවා පුතු ප්‍රතිඵල බලන                        රිසින්
කැදවූයෙමි කොමා වූ තතු අසන                   ලෙසින්
පහලට නැමුණු මුහුණින් බිම හැරුණු              ඇසින්
පහදන්නට කරුණු ඇරඹිණි කොමා                 විසින්

සිලබස් දෙකක කට්ටිය එකටම                      ලිවුවා
වරදක් නැතිව අපි එක ලකුණක්                    මැවුවා
දෙකේ ලකුණු පළමුව වෙනමම                   හෙවුවා
අරගෙන දෙකම ඉන්පසු කෙරුවෙමු             මෙව්වා

ඔහුගේ කතාවේ අග මුල නැති                       හන්දා
ඉගෙනුම් බාර දෙවියා අසලට                       කැන්දා
විමසූවෙමි කරුණු හද තුළ සැක                     රන්දා
පුතුගේ ප්‍රතිඵලය මක් වේවිද                         මන්දා

ඔය රජතුමනි අපෙ ලොව දෙවියගෙ               ගතිය
කෑ ගැහුවාට  හැටි අවුලක්                        නැතිය
හැදුවේ සූත්රය නිදි මරමින්                          සතිය
ඒකට යොදා ගත්තේ අපි                        ජ්‍යාමිතිය

ඔහොම වැඩක්මයි තොපි නම් කළොත්         කලේ
කොහොමද මෙහෙම ගියොතින් මම ඉන්නෙ  බලේ
ඇදගෙන නාලා තොපි මේ බොර කෙරුව        ජලේ
යමරජු මාළු බානව ඇති ඉහන්                      වළේ

මාතලීට ඇත දැන් හොදටම                       කිපිලා
උගෙ පුතු හට නෑලු තව ප්‍රතිඵල                 ලැබිලා
බැලුවම කාරණා එහි පතුලට                      එබිලා
ඩ්රයිවින් පේපරේ කුණු කූඩෙක                 තිබිලා

තාමත් සිහිය නෑ මල් අම්මගෙ                        දූට
බය වුණු පාර අද මේ සිදු උන                       දේට
සදෙව් ලොවෙන් දහවෙනියා වුණු                  ඈට
තුසිතෙන් සීය ලැබුණාම පවසම්                    කාට

පංචසිකට හැදිලලු කැක්කුම                      ඔලුවේ
වීණාවෙන්ලු පුතාට තරහට                       තැලුවේ
සංගීතයෙන් උගෙ පුතු කොහොමද            හැලුවේ
ඌගෙම පියා නම් එහි පේපර්ස්                  බැලුවේ

වගකීමක් නැතිව මුන් පුටු වල                      ලෑවා
මුන් ටික මගේ නම රහ කර කර                   කෑවා
මින් මතු කිසි දිනක නොම වන්නට               ඕවා
දැන්වත් ඉගෙන ගත යුතු පාඩම්                   මේවා

යන විට සබාවේ ඔය විදිහට                       ගෝරි
කෑ ගහගෙන දිව ආවා නොවැ                       බාරි
පොඩි පුතු ලිවුවේ තනතුරකට                  බලධාරි
අන්තපුරේටලු  ඇත්තේ                          තේරි


-- ලිව්වේ සදෙව් ලොවට අධ්පති (චමිඳු මිහිරංග)

==============================================

-- උපුටාගන්නා ලද්දේ මොරටුව ඉංජිනේරු පීඨ ශිෂ්‍ය සංගමයේ නිල  බ්ලොග් අඩවියෙන්.

==============================================

සුපුරුදු පරිදි මේ නිර්මාණය කරලා තියෙන්නේ අපේ සහෝදර ශිෂ්‍ය චමිඳු මිහිරංග විසින්.මීට කලින් ඔහු විසින් පෞද්ගලික විශ්ව විද්‍යාල ගැන පල කරපු ලිපිය කියවන්න මෙන්න මෙතනින්..

==============================================